မောင်​​ဒေး ဘာသာပြန်​

Selected poems
Maram Al-Massri
ဆီးရီးယားကဗျာဆရာမ
ရဲရဲနီသော ချယ်ရီသီးများ
မောင်ဒေး( မြန်မာပြန်သည်)

<<အဖြူရောင်ကြွေပြားခင်း ကြမ်းပြင်ပေါ်က
ချယ်ရီသီးနီနီိ>> မှ ကဗျာများ

Poems from  'A Red Cherry
On a White-tiled Floor' (1997)

၁။
ရှင့်ရဲ့ဆိုင်မှာ ခင်းကျင်းထားတဲ့
မုန့်အချိုတွေကို ခိုးယူခဲ့တာ
ကျွန်မပါပဲ။
ကျွန်မရဲ့လက်ချောင်းတွေက  စေးကပ်လာ
ဒါပေမဲ့ ကျွန်မရဲ့ ပါးစပ်ထဲရောက်အောင်
တစ်ခုကိုမှ မထည့်နိုင်ခဲ့ဘူး။

၂။
ညံ့ဖျင်းလိုက်တာနော်၊
ကျွန်မရဲ့နှလုံးသားဟာလေ
တံခါးခေါက်သံကို မကြားလိုက်နဲ့
ဖွင့်ပေးလိုက်မယ် ဆိုတာချည်းပဲ။

၃။
ရမ္မက်ဟာ ကျွန်မရဲ့စိတ်ကို နှိုးဆွ၊
ကျွန်မရဲ့မျက်လုံးတွေကိုလည်း
ခပ်မှိန်မှိန်ကလေး တောက်ပစေတယ်။
ကျွန်မဟာ ကျွန်မရဲ့ ကိုယ်ကျင့်သိက္ခာကို
နီးရာအံဆွဲထဲ ထိုးသိပ်ထည့်၊
မိစ္ဆာဘက်ကို ခေါင်းလှည့်ပြီး
နတ်ဒေ၀ါတွေရဲ့ မျက်လုံးကိုလည်း
အ၀တ်နဲ့ စည်းလိုက်တယ်။
ဒါတွေအားလုံး
အနမ်းလေးတစ်ခုအတွက်။

၅။
ကျွန်မစောင့်စားတယ်၊
ဒါပေမဲ့ ကျွန်မ  စောင့်စားတဲ့အရာဟာ
ဘာလဲ။
ကျွန်မဆီ ပန်းတွေယူလာမယ့်
ယောကျာ်းတစ်ယောက်၊
ကျွန်မကိုကြည့်ရင် ကျွန်မကိုမြင်တဲ့
ယောကျာ်းတစ်ယောက်ကိုပေါ့။
ကျွန်မအတွက် မျက်ရည်ကျလို့
ကျွန်မက သနားရသူ၊
ကျွန်မက ချစ်ရသူ။
၆။
ခြေရာတွေကို
ကျွန်မ တွေ့ခဲ့တယ်။
အစုန်အဆန် ရွေ့လျားထားတဲ့
အမည်းစက်ကလေးတွေပေါ့ ။
သန့်စင်ပါတယ်လို့ သူတို့ပြောတဲ့
အဖြူရောင် နှင်းဟာ
ကျွန်မရဲ့ အတွေးထဲက တစ္ဆေတွေ၊
စာကလေးတွေနဲ့ ကြောင်တွေကို
သစ္စာဖောက်ခဲ့တယ်။
အဲ့ဒီနောက် ပျင်းရိနေတဲ့
နေလုံးကြီးတက်လာပြီး
သူတို့အားလုံးကို
အစက်ကလေးတစ်စက်တောင်
မကျန်အောင်
ဖျက်ပစ်လိုက်ပါရော။

၇။
လူတစ်ယောက်တံခါးလာခေါက်လာတယ်။
ဘယ်သူများပါလိမ့်ရှင်။
ကျွန်မလေ အထီးကျန်စိတ်ရဲ့ ဖုန်တွေ
သဲတွေကို
ကောဇောအောက်ထဲ
တံမြက်စည်းနဲ့ သိမ်းကျုံးလည်းထည့်လိုက်တယ်။
အပြုံးလှလှတစ်ပွင့်ကို ဆင်မြန်းလိုက်ပြီး
အိမ်တံခါးကို သွားဖွင့်လိုက်တယ်။

၈။
လူစိမ်းတစ်ယောက်က ကျွန်မကို စိုက်ကြည့်တယ်။
လူစိမ်းတစ်ယောက်က ကျွန်ကို
စကားလာပြောတယ်။
လူစိမ်းတစ်ယောက်ကို ကျွန်မက
ပြုံးပြလိုက်တယ်။
လူစိမ်းတစ်ယောက်ကို ကျွန်မက
စကားပြန်ပြောလိုက်တယ်။
ကျွန်မပြောတာကို လူစိမ်းတစ်ယောက်က
နားထောင်ပေးတော့
သူ့ရဲ့ မြူမှုန်ကင်းစင်တဲ့ ကြေကွဲမှုမှာ
ကျွန်မ ငိုကြွေးမိတယ်။
လူစိမ်းတွေကို တစ်နေရာတည်းမှာ
စုစည်းပေးတဲ့
အထီးကျန်ဝေဒနာကို ရည်စူးပြီး
ကျွန်မ ငိုကြွေးမိတယ်။
၉။
ကျွန်မတို့ရဲ့ ဘ၀ထဲကို
စမ်းချောင်းငယ်တွေလို
သူတို့ ၀င်ရောက်လာကြ၊
အဲဒီနောက် ရုတ်တရက်ဆိုသလိုပဲ
သူတို့ရဲ့အထဲမှာ ကျွန်မတို့ စုန်းစုန်းမြုပ်ရ၊
နောက်ဆုံးမှာတော့
ဘယ်သူဟာ ကျွန်မတို့အတွက်
ရေနဲ့ ဆားကို ပေးခဲ့ပြီး
ကျွန်မတို့ရဲ့အတွင်းမှာ
အဲ့ဒီ ခါးသက်မှုကြီးကို
ထားရစ်ခဲ့သလဲ ဆိုတာတောင်
ကျွန်မတို့ မေ့လျော့လာကြ။

၁၁။
ကျွန်မတစ်ယောက်တည်း
ရှိနေတဲ့အခါမျိုးမှာ
ကျွန်မ သူ့ကို အနားအကပ်မခံဘူး။
ကျွန်မရဲ့အနားမှာ သူ တ၀ဲလည်လည်လုပ်တော့
ကျွန်မ သူ့ကို ကန်ထုတ်ပစ်လိုက်တယ်။
အဲ့ဒီနောက်မှာတော့ သူဟာ
ယင်ကောင်မဲကြီးတစ်ကောင်
ဖြစ်လာပါလေရော။
ရုပ်ဆိုးပန်းဆိုး ယင်ကောင်မဲကြီးပေါ့။
ဟိုနေရာမှာ တ၀ီဝီလုပ်လိုက်၊
ဒီနေရာမှာ တစီစီလုပ်လိုက်ပေါ့။
ပြီးတော့ ကျွန်မရဲ့ နှလုံးသားပေါ်
လာနားတယ်။
နွားရူးတစ်ကောင်နဲ့တူတဲ့
လွမ်းဆွေးမှုဟာ
ကျွန်မရဲ့ ပီတိသောမနဿ
အစို့အညှောင့်တွေကို
ဝါးစားပစ်လိုက်တော့တယ်။
၁၂။
ဘယ်တစ်ခါ
ညာတစ်လှည့်
ပက်လက်တစ်မျိုး
မှောက်လျက်တစ်ဖုံ ဆိုသလို
ဗလာနတ္တိထဲမှာ
ကျွန်မ လူးလှိမ့်နေပါတယ်။
ကျွန်မရဲ့ အိပ်ယာထဲမှာ၊
ကျွန်မရဲ့ အိပ်မက်ထဲမှာ
ကျွန်မဟာ ချမ်းချမ်းတုန်လို့ပေါ့။
ွအိပ်စက်ခြင်ကို ခိုးယူသူတွေဟာ
ကျွန်မရဲ့ညကို ၀င်စီးခဲ့ကြပြီး
သူတို့ထဲက တစ်ယောက်က
ကျွန်မကို သနားလို့တဲ့
တောက်ပတဲ့ မနက်ခင်းတစ်ခုကို
စားပွဲပေါ်မှာ ချန်ထားပေးခဲ့တယ်။

၁၃။
ဟောဒီ ဖုန်တွေ သဲတွေ ဘယ်ကလာသလဲ။
ဘယ်ဆီဘယ်ဝယ်ကနေ
ရောက်လာတာလဲရှင်။
လက်ဖ၀ါးနဲ့ ဘယ်လောက်ပဲ သုတ်သုတ်
မျက်နှာတွေလို
အသံတွေလို
သူတို့ ပြန်ရောက်လာကြစမြဲပဲ။
ဖုန်မှုန့်တွေဟာ မျက်နှာပြင်ကိုပဲ
ဖုံးအုပ်တာပါလို့
လူတွေက အထင်ရှိကြတယ်။
တကယ့်တကယ်မှာတော့
အတွင်းနက်နက်ထဲမှာလည်း
သူတို့ နေရာဝင်ယူကြပါတယ်။
ဟောဒီ အမှတ်ရမှုတွေ ဘယ်က လာသလဲ။
ဘယ်ဆီဘယ်ဝယ်ကနေ
ရောက်လာတာလဲရှင်။

၁၄။
ကျွန်​မလိုမျိုး မိန်းမသား​တွေဟာ
စကား ဘယ်​လို​ပြောရမလဲဆိုတာကို
မသိကြပါဘူး။
စကားလုံး​တွေက ဆူး​တွေလို
သူတို့ရဲ့လည်​မျိုထဲမှာ တစ်​​နေပြီး
အဲ့ဒါကို သူတို့ မျိုချလိုက်​ကြရပါတယ်​။
ကျွန်​မလိုမျိုး မိန်းမသား​တွေဟာ
ငို​ကြွေးခြင်းကလွဲပြီး ကျန်​တာ
ဘာမှမသိကြပါဘူး။
ငို​ကြွေးဖို့ရာ မဖြစ်​နိုင်​​ပေမဲ့
ငိုလိုက်​တဲ့အခါကျ​တော့လည်း
ဓားနဲ့အလှီးခံရတဲ့ ​သွေးလွှတ်​​ကြောလို
ဝေါခနဲ သွန်​ကျလာပါ​လေ​ရော။
ကျွန်​မလိုမျိုး မိန်းမသား​တွေဟာ
အထိုးအနှက်​ခံရ​ပေမဲ့
လက်​တုံ့မပြန်​၀ံ့ကြပါဘူး။
ဒေါသ​ကြောင့်​ တုန်​ယင်​​နေကြပြီး
ဒေါသကို မျိုချလိုက်​ကြရပါတယ်​။
ကျွန်​မလိုမျိုး မိန်းမသား​တွေဟာ
လှောင်​အိမ်​ထဲက ခြ​င်္သေ့​တွေလိုပဲ
လွတ်​လပ်​မှုအ​ကြောင်း
စိတ်​ကူးယဉ်​မိကြပါတယ်​။

၁၆။
၎င်းရဲ့ တံခါး​ပေါက်​ကျယ်​ကြီး​တွေဟာ
ကျွန်​မရဲ့​ရှေ့မှာ
ပွင့်​သွားတယ်​။
၎င်းက ကျွန်​မကို​ခေါ်ပြီး
၎င်းရဲ့စ​ပေ့စ်​ထဲထဲကို
နာခံဝင်​​ရောက်​ဖို့အတွက်​
အသာတွန်းလိုက်​တယ်​။
ဖွင့်​ထားတဲ့ ​လှောင်​အိမ်​တံခါးဝမှာ
ကျွန်​မဟာ စာက​လေးတစ်​​ကောင်​လို
မ၀င့်​မရဲ။

၁၇။
မြင်း​တွေ
ကဆုန်​​ပေါက်​​ပြေးလွှားလို့မရတဲ့ အရပ်​မှာ၊
အလင်း​ရောင်​ ၀င်​​ရောက်​ဖို့အတွက်​
အပ်​​ကြောင်းရာ​လေးတစ်​ခု​တောင်​မရှိတဲ့အရပ်​မှာ၊
ဒါ့အပြင်​ မြက်​ပင်​​တွေလည်း
မ​ပေါက်​​ရောက်​တဲ့အရပ်​မှာ၊
ကျွန်​မဟာ
စကားလုံး​တွေရဲ့ ​ခြေ​ထောက်​ကို
အတင်း တွယ်​ကပ်​​နေရ။

အ​ပေါ်ပိုဒ်​က ၁၉**
Posted via Blogaway