The New Hybrif

Zaw Zaw Htun
Yesterday at 17:25 · Edited ·
More options

၁၃။

ဟိုက်ဘရစ်(ဒ်)အသစ် (The New Hybrid)

အယ်(လ်)ပီလို့ခေါ်ကြတဲ့ ဘာသာစကားအခြေပြုကဗျာရဲ့ ဦးဆောင်သူတစ်ဦးဖြစ်သူ ရွန်ဆစ်လီမန်ဟာ အခု ဟိုက်ဘရစ်(ဒ်)အသစ်ကို ကဗျာတတိယလှိုင်း (Third Wave Poetic) လို့ ခေါ်ပါတယ်။ ဒါက သူတို့အမေရိကန်ကဗျာသမိုင်းနဲ့ ချိန်ထိုးပြီး ပြောတာပါ။ ကျွန်တော်တို့လူတွေ ဘယ်လှိုင်းရောက်နေတယ်ဆိုတာ ချိန်ထိုးကြည့်ဖို့လိုပါတယ်။ အိုကေ။ ဒီတော့ ကာလရွေ့လျောမယ် မကြံသေးဘူး အဲဒီအရောကဗျာ ဟိုက်ဘရစ်(ဒ်)ဟာ နောက်နာမည်တစ်မျိုး ဖြစ်သွားတယ်။ အဲဒါ post-avant လို့ ထင်ရှားလာပါတယ်။ ဒီတော့ ကျွန်တော်တို့သိရမှာက အမေရိကန်ဟိုက်ဘရစ်(ဒ်)မှာ အမည်သုံးမျိုးရှိတယ် ဆိုတာပါ။ အဲဒီ post-avant ဆိုတာကြီးက ဘယ်လိုဟာကြီးလဲဆိုတာ ရှေ့ကတင်ပြမှုကြောင့် ခပ်ရေးရေး မြင်နိုင်ပြီလို့ ကျွန်တော် မှတ်ယူပါ့မယ်။ ဒီတော့ ဘာလုပ်သလဲဆိုတာကြည့်ဖို့ လိုအပ်လာပါတယ်။ ဆရာကြီး ရွန်ဆစ်လီမန်ကတော့ (ခုနက သူပေးထားတဲ့နာမည်) post-avant လို့ခေါ်ပြီး ကဗျာနယ်စည်းများကို ထိုးဖောက်ပြီး အထူးသဖြင့် ကဗျာအသိမ်းဟာ ရှေးရိုးဆန်ပြီး ဟိုက်ဘရစ်(ဒ်)ကိုယ်ထည်ရှိတဲ့ ကဗျာကိုလည်း မချန်ခဲ့ပါဘူးလို့ ဆိုပါတယ်။ ၁၉၉၈ ခုနှစ်မှာ လူငယ်တစ်ယောက်ပေါ်လာတယ်။ အဲဒီတုန်းက ချာတိတ်ပေါ့။ စတက်ဖန်ဘန့်(ထ်)ဆိုတဲ့ ဝေဖန်ရေးနဲ့ လေ့လာသူပေါက်စ။ သူက ၁၉၉၈ ကဗျာဖတ်ညွှန်း (ရီဗျူး) တစ်ခုမှာ အီလစ်(ဖ်)တစ်ကယ် (Elliptical)ဆိုတဲ့ ကဗျာအမျိုးအစားကို ကိုယ်စားပြုမယ့် ကဗျာအမျိုးအစားသစ်ကို မိတ်ဆက်ပေးခဲ့တယ်။ (နောက်ကြုံရင် အီလစ်(ဖ်)တစ်ကယ် ကဗျာအမျိုးအစားအကြောင်း ရေးပါဦးမယ်။) ဒီကနေ့ ဟိုက်ဘရစ်(ဒ်)ဟာ ရှေ့က ချဉ်းကပ်နည်းဖြစ်တဲ့ ဇတ်ပြောသူအနေနဲ့ အပြောင်းအလဲမရှိ ပထမလူဇတ်ပြော (as narrative that presumes a stable first person) အနေနဲ့ တင်ပြမယ်။ အဲဒီဇတ်ပြောကိုမှ ၁။ ယာယီအပိုင်းတွေနဲ့ လာရပ်တန့်ချိတ်ဆက်မယ်။
၁၄။
ဟိုက်ဘရစ်(ဒ)( Hybrid ) က ဘာလုပ်သလဲဆိုရင်
၁။ ကဗျာပုံစံတွေအသစ်လုပ်တယ် ( renew the forms )
၂။ ကဗျာဧရိယာကိုချဲ့ တယ် (expand the areas of boundries )
အဲဒီလိုနားလည်တယ်။ ဟုတ်ပြီ ။ ဒီနှစ်ချက်ကြောင့် ဟိုက်ဘရစ်(ဒ)ဟာ လူမှုဝန်းကျင်မှာနေရာယူဖို့ကြိုးစားတယ်။ ဒါဆို နိုင်ငံရေးနဲ့ ဟိုက်ဘရစ်(ဒ)ကဗျာတို့ဘယ်လိုဆက်စပ်နေသလဲ။ ဟိုက်ဘရစ်(ဒ)ကဗျာဟာ နိုင်ငံရေးကိုပစ်ပယ်ထားတဲ့ကဗျာအမျိုးအစားမဟုတ်ပါဘူး။ နိုင်ငံရေးအကြောင်းအရာ ( Political Issue)ဆိုတာ ဟိုက်ဘရစ်(ဒ) ကဗျာရဲ့ အလုပ်လို့ခေါ်ကြတဲ့ အကြောင်းအရာဖြစ်နိုင်(ဖြစ်ခွင့်ရှိနိုင်) ပြီးတကယ်လည်း ဟိုက်ဘရစ်(ဒ)ကဗျာတွေတည်ဆောက်တဲ့အခါမှာ နိုင်ငံရေးအကြောင်းရေးလေ့ရှိပါတယ် လို့ ကိုးလ်ဆွမ်ဆန်ကဆိုပါတယ်
အချို့ဟိုက်ဘရစ်(ဒ)ကဗျာဆရာတွေဟာ အသစ်နှစ်ခုရဲ့ ရောထွေးနိုင်စွမ်းကို အောက်ပါအချက်နှစ်ချက်ကိုကိုင်စွဲပြီးဖန်တီးကြပါတယ်။
၁။ ထပ်ကျော့ရေးသားခြင်း(Repetition)
၂။ ဖြတ်ဆက်ရေးသားခြင်း(Collage) တို့ပဲဖြစ်တယ်။
အဲဒီလိုထပ်ကျော့ရေးသားရာမှာ တူညီသောအရာတွေကိုဥာဏ်ပညာဖြင့် ပြုပြင်နည်းလမ်းများဖြင့်
''dividing ways''ကို သုံး၍လည်းကောင်း
ဖြတ်ဆက်ရေးသားရာတွင် ပေါင်းစပ်နိုင်သောအရာများကိုပေါင်းစပ်၍လည်းကောင်း အသစ်ဖြစ်အောင် ပြုလုပ်ကြပါတယ်။ များသောအားဖြင့် ဟိုက်ဘရစ်(ဒ) ကဗျာဆရာတွေဟာ ထူးခြား(strange) ပြီး ဆန်းကြယ်(odd) သည့်အပြင် ပုံမှန်မဟုတ်( uncanny) အရာများကိုရောစပ်ပေးခြင်းအားဖြင့် ဆန်းသစ်ခြင်းရဲ့ အလွန်ဆီရောက်အောင်သွားကြပါတယ်။ အဲဒါ့ကြောင့်ပဲ အခြေခံအားဖြင့် ကွဲပြားတဲ့အသိနှစ်မျိုးကိုပေါင်းစပ်ဖို့ဖြစ်လာတယ်။တစ်မျိုးကရိုးရာကဗျာက ကန့်သတ်ထားတဲ့စည်းကမ်းတွေနဲ့ကဗျာပြုလုပ်ခြင်းကို လက်ခံတဲ့အသိနဲ့နောက်တစ်မျိုး ကတော့အဲဒီ့စည်းကမ်းတွေကိုဆန့်ကျင်တဲ့ အသိတို့ပဲဖြစ်တယ်။ လေ့လာရသလောက် ကဗျာဆရာတွေဟာ ဟိုက်ဘရစ်(ဒ)တွေကို အသက်လေးဆယ်လောက်မှာရေးကြပါတယ်။ အကြောင်းက သူတို့နာမည်မကြီးခင်ကိုယ်ပိုင်ပုံစံ မရသေးခင်မှာ (လက်မငြိမ်သေးခင်) စမ်းသပ်ရေးသားထားခဲ့ကြတဲ့ကဗျာတွေဖြစ်တယ်လို့ ကိုးလ်ကဖြစ်နိုင်ချေကိုတင်ပြပါတယ်။ ရှေးမျိုးဆက်ကချပေးခဲ့တဲ့အရိပ်လွှမ်းမှုတွေတဝက်တပျက်ပါရှိလာတဲ့အခါ ကဗျာဆရာတစ်ယောက်မက ဟိုက်ဘရစ်(ဒ) ရေးသားဖို့အခွင့်အရေးပေးခဲ့သလိုဖြစ်ခဲ့တယ်။ဒီတော့ကဗျာလှုပ်ရှားမှုအသစ်တွေရဲ့ ဒုတိယမျိုးဆက်တွေဟာ ဟိုက်ဘရစ်(ဒ)ပုံစံ ကဗျာ တွေ မရည်ရွယ်ပဲဖန်တီးမိသွားသလိုရှိခဲ့တယ်။
၁၅။
ကျွန်တော်က ကိုးလ်ပြောတဲ့နောက်တစ်ချက်ကို ကြိုက်ပြန်တယ်။ ဘာလဲဆိုတော့ Internet
်ကိစ္စပါ။ သိတဲ့အတိုင်းပဲ ၂၁ရာစုအစမှာပဲ Internet နဲ့ IT ရုတ်ချည်းဖွံ့ ဖြိုးလာမှုကို လူသားတွေကြုံတွေ့ ရတယ်။ ဒါဟာ လွန်ခဲ့တဲ့နှစ်တစ်ရာ ( ရာစုနှစ်တစ်ခု) ဆီက လေယာဉ်ပျံတီထွင်မှုလိုပါပဲ ။ Imternet နဲ့ IT ဖွံ့ ဖြိုးမှုဟာ ကဗျာရေးသူတွေကိုရိုက်ခတ်ပါတယ်။ အရင်ကတော့ကဗျာဆရာတွေဟာ သူတို့ကဗျာကိုလူသိစေချင်ရင်လူအများရှေ့ထွက်ရွတ်ဖို့ပဲရှိပါတယ်။ လူထုရှေ့ရွတ်ဆိုတင်ဆက်မှုပေါ့။
အခုတော့ပြောင်းလည်းသွားပြီ။ Internet ကတဆင့် မိမိတို့ကဗျာကို တင်ပြနိုင်ပါပြီ။ နောက်တစ်ချက်က ကဗျာတွေကိုဖန်တီးတဲ့အခါ စက္ကူစာမျက်နှာကပဲ လုပ်နိုင်သလောက်ပဲကျွန်တော်တို့ဖန်တီးခွင့်ရှိပါတယ်။ ပုံစံကိုသိပ်ကစားလို့မရဘူး။ ဒါပေမယ့် ဝက်ဘ်ပေါ်မှာတော့Software အကူအညီနဲ့ကဗျာတွေကိုစိတ်ရှိလက်ရှိဖန်တီးလို့ရသွားတယ်။ အဲဒီမှာအင်တာနက်ဂျာနယ်နဲ့ မဂ္ဂဇင်းတွေပေါ်လာတယ်။ ဒီ အီလက်ထရောနစ်ကဗျာတွေဟာ ပရင့်မီဒီယာ ရဲ့အခြားလမ်း (alternative) တစ်ခုပါပဲ။ ဒါတင်မကသေးဘူး ကဗျာရဲ ထင်ရှားတဲ့ပုံစံတွေကိုကစားတာမျိုးနဲ့ လူ့အခြေခံကဗျာအစိတ်အပိုင်းကိုခွဲထွက်ရွေ့ လျားစေတာမျိုး (incorporating moving) ပုံပြောင်းစေတာမျိုး ( transforming elements) ဗွီဒီယိုဖိုင်လုပ်ပြတာမျိုး ( Video Clips) အသံထည့်ပေးလိုက်မျိုး ( audio dimension) တွေပြုလုပ်ပြီးကဗျာဖတ်သူကိုတင်ဆက်နိုင်ခဲ့တယ် ။တချို့ ကတော့ ဟိုက်ပါချိတ်ဆက်စာသား ( hypertext ) ကိုဖတ်သူဆီပို့ပြီး သက်ဆိုင်ရာ Websiteတွေနဲ့ချိတ်ဆက်တင်ပြကြပါတယ်။ ဒါတွေဟာ ဆရာမကိုးလ်ရေးခဲ့သလို ကမ္ဘာတဝှမ်း ကဗျာရေးသားမှုနဲ့ ပုံနှိပ်ထုတ်ဝေမှုဟာ ယခုအချိန်မှာတော့ကြီးထွားဖွံ့ ဖြိုးလာပါပြီ။ နေ့စဉ်ကိစ္စလို အင်တာနက်သတင်းအချက်အလက်ရှာဖို့နဲ့ ဖျော်ဖြေမှု အတွက်သုံးနေတဲ့လူတွေဆီကို ကဗျာ ဟာ ဖြန့်ကျက်ထိတွေ့ ဖို့ကြိုးစားနေလျှက်ပါပဲ။ အဲဒီ့အရာတွေဟာ ကဗျာဟန် (သို့) ကဗျာပုံစံထဲကို ဝင်ရောက်နေရာယူတာ ဒါမှမဟုတ် ကဗျာအပေါ်သက်ရောက်တာတွေပါ။ ၂၀ရာစုမှာ စာစီစာရိုက် ( typeseting ) ဒီဇိုင်း (design) နဲ့ ပုံနှိပ်ထုတ်ဝေမှု ( printing) ဟာ တဆစ်ချိုးပြောင်းလည်းသွားပါတယ်။ အဲဒီက ဘာများချန်ရစ်ခဲ့ပြီးဘယ်နေရာဆီပို့ပေးလိုက်သလဲ။

၁၆။
ဟိုက်ဘရစ်ဒ်ဆိုတာသိပ်ထွေထွေထူးထူးမဟုတ်ဘူး။ လီနီယာဇတ်ပြောပါမယ်။အဲဒီ့ဇာတ်ပြောကိုမှ
၁။ ယာယီအပိုင်းတွေနဲ့လာရပ်တန့်ချိတ်ဆက်ခြင်း( disrupting the linear temporal path)
၂။ ပုံမှန်ချိတ်ဆက်ဝါကျများကိုကစင့်ကလျားဖြစ်စေခြင်း( scrambling the normal synctactical sequence)
၃။ ဆန်းသစ်( အရေးအသားခံစားမှု )ကိုသိသာထင်ရှားအောင်ပြုလုပ်ရေးသားထားတဲ့ အရေးအသားပုံစံ
( recognizably experimental mood )
(က) ဆက်စပ်ကျိုးကြောင်းမဲ့စာသားဖြစ်မှု ( illogicality)
(ခ) ဖြာထွက်အပိုင်းအစများဖြစ်မှု ( Fragmentation )
၎။ ခေတ်ပေါ်လူသုံးများတဲ့ အနေအထားဖြစ်ပေမယ့်တရားဝင်အဓိပ္ပါယ်မသတ်မှတ်ရသေးတဲ့ ဝေါဟာရသစ် ( neologism )တွေအပြည့်ရေးဖွဲ့ ပေမယ့် ရှေးရိုးရာအဖွဲ့ နဲ့ရေးဖွဲ့ ပုံ(composed entirely of neologisms but based on ancient traditions)
၅။ ကဗျာရဲ့ မူလပုံမှန်အလုပ် ( Conventional Work )
(က) ဆီလျော်အောင်တင်ပြမှု ( Coherence )
(ခ) ပုံမှန်ချိတ်ဆက်တင်ပြမှု
( linerity)
(ဂ) ပုံမှန်ဖွင့်ဟမှု ( Formal Clarity )
(ဃ) ဇာတ်ပြော ( narrative)
(င) မပြောင်းလဲသောချဉ်းကပ်မှု ( firm closure )
(စ) သင်္ကေတပြုအသံ ( symbolic resonance)
(ဆ) မပြောင်းလဲတဲ့အသံ ( stable voice)
စတဲပုံမှန်ကဗျာဝိသေသတွေပါတယ်။
အဲဒီနောက်ယနေ့ခေတ်ကဗျားအဖွဲ့ များဖြစ်ကြတဲ့
(၁။)အစီအစဉ်မဲ့တင်ပြမှု ( non- linearity )
(၂။ )မတူသောအရာများယှဉ်တွဲဖော်ပြမှု ( juxtaposition)
(၃။) ကွဲလွဲမှု ( rupture )

(၄) အစိတ်စိတ်အမွှာမွှာပြန့်ကြဲတင်ပြမှု (Fragmentation)
(၅) ကဗျာကာရန်နဲ့လင်္ကာရကိရိယာများအား မပါဝင်ဘဲရေးသားခြင်းပုံစံ (open form)
(၆) အကြောင်းအရာပေါင်းစုံရောယှက်ရေးသားခြင်း (multiple perspectives)
တို့ဖြင့် အသစ်နဲ့အဟောင်းနည်းစနစ်များရောနှော၍ ဟိုက်ဘရစ်(ဒ်)ကဗျာဆရာများက ရေးသားကြသည်။” လို့ ကိုး(လ်)ဆွမ်ဆန်က သူ့ရဲ့ ဟိုက်ဘရစ်(ဒ်)ကဗျာပေါင်းချုပ်အမှာစာမှာ ရေးတယ်။
ဒီတော့ ဟိုက်ဘရစ်(ဒ်)ကဗျာဆရာတွေက အခြားကဗျာဆရာတွေထက် ကဗျာတည်ဆောက်ဖို့ ကိရိယာပိုများများရတယ်။ သူတို့ သတ်မှတ်လိုက်တဲ့ “ဘောင်” က ပိုကျယ်တာကိုး။ အိုကေ။ ဟိုက်ဘရစ်(ဒ်)ကဗျာရဲ့အလှဟာ ကဗျာဖန်တီးသူ (ဝါ) ရေးသူရဲ့ အတွဲအစပ်ကျွမ်းကျင်မှုပေါ်မှာ မူတည်နေပါတယ်။ အထက်ဖော်ပြပါနည်းစနစ်တွေဟာ ဟိုက်ဘရစ်(ဒ်) ကဗျာဆရာတွေရဲ့ လက်ထဲမှာ တစ်ခုနဲ့တစ်ခု အပြန်အလှန်တွဲဖက်ပုံပေါ် မူတည်ပြီး အပြောင်းအလဲ ကြီးမားစွာ ဖြစ်သွားနိုင်ကြပါတယ်။

အမေရိကန် ဟိုက်ဘရစ်(ဒ)အသစ် (New American Hybrid Poetry) ပေါင်းချုပ်အမှာထဲမှာ ဆရာမ ကိုး(လ်)ဆွမ်ဆန် ပြောတာလေး ပြန်ပြောရရင် ကိုး(လ်)က အဲဒီအမှာစာမှာ ဆန်းသစ်အရေးအသား (အရေးအသားခံစားမှုကို သိသာထင်ရှားအောင် ပြုလုပ်တဲ့ အရေးအသားပုံစံ) (recognizably experimental mood) ဆိုတဲ့ စကားလုံးနောက်မှာ သူမဖြည့်ပေးလိုက်တဲ့ နည်းစနစ်တွေကို ကြည့်ရအောင်။ (သူမစကားထဲက “experimental” စနစ်တချို့ကို ထုတ်နှုတ်ကြည့်ပါတယ်။
(က) ဆက်စပ်ကျိုးကြောင်းပဲ စာသားဖြစ်မှု (illogicality)
(ခ) ဖြာထွက်အပိုင်းအစများဖြစ်မှု (Fragmentation)
(ဂ) ခေတ်ပေါ်လူသုံးများဝေါဟာရ ဖြစ်ပေမယ့် တရားဝင်အဘိဓါန် မသတ်မှတ်ရသေးတဲ့ ဝေါဟာရသစ်
(ဃ) အစီအစဉ်မဲ့တင်ပြမှု (non-linearity) နဲ့ အဆုံးသတ်မဲ့မှု (open ending)
(င) မတူသောအရာများ ယှဉ်တွဲနေရာချမှု (juxtaposition) နည်းစနစ်
(စ) ကွဲလွဲစေမှု (ဖတ်သူအား) (rupture) တွေလို့ ဆိုတယ်။
ဒါတွေက ရိုးရာကဗျာရဲ့ လက္ခဏာတွေကို တော်လှန်ရေးတာပဲ။ ဆန်းသစ်ပစ်တာပဲ။ ဒါကို သူတို့က “EP” နည်းစနစ် တွေလို့ ဆိုတာကိုး။ ရှေ့ကလူတွေ EP ကို တော်လျှောက်လုပ်ခဲ့လို့ ဒီနေရာကို ရောက်လာတာပါ။ ဒါတွေဟာ ကဗျာရဲ့ မူရင်းအလုပ်တွေဖြစ်တဲ့ (ရှေ့မေးခွန်းမှာရေးပြီး) “Conventional Work” လို့ ကျွန်တော်တို့ ပြောနေတဲ့
(က) ဆီလျော်အောင် တင်ပြမှု (Coherence)
(ခ) ပုံမှန်ချိတ်ဆက်ဖွင့်ဟပြမှု (Linearity and Formal Clarity)
(ဂ) သဘာဝကျမှု (Spontaneous)
(ဃ) နောက်ခံ အဓိပ္ပါယ်ပါဝင်မှု (Translogical)

(င) သိမ်မွေ့ဝိသေသပြုမှု (Decorous)

တွေကနေ ဆန်းသစ်ပစ်လိုက်တာပါ။ ဒီအချက်တွေကိုတော့ လက်ကိုင်ထားဖို့ လိုပါတယ်။

ကဗျာဝေဖန်ရေးနဲ့ ပညာရှင် မာဂျော်ရီပါးလော့ (Marijorie Perloff) နဲ့ အင်တာဗျူးကို ဖတ်ရတော့ နည်းနည်းမျှဝေပေးချင်လာလို့ ဆက်ရေးမိတာပါ။ စာမျက်နှာ ၂၆ မှာ မာဂျော်ရီနဲ့ အင်တာဗျူးကို ဘာသာစကား၏ စိန်ခေါ်မှု (The Challenge of Language)လို့ ခေါင်းစဉ်တပ်ထားပါတယ်။ အဖွင့်မေးခွန်းကတော့ သင်၏ ယနေ့ခေတ် ဆန်းသစ်ကဗျာ ပေါ်မှာ သဘောထားလေးသိပါရစေလို့ မေးထားပါတယ်။ မာဂျော်ရီကို စမေးတဲ့ အဲဒီမေးခွ
န်း (What is your opinion of Contemporary "EXPERIMENTAL" Poetry? )ဟာ ကျွန်တော်တို့ အငြင်းပွားနေတဲ့အချက်နဲ့ အံဝင်ခွင်ကျ ဖြစ်နေပါတယ်။ ဒီနေရာ မေးခွန်းမေးသူရဲ့ စကားလုံး အသုံးပြုမှုပါပဲ။ "Contemporary Experimental Poetry" ဟာ Poetry ကို နာမဝိသေသနအသုံးနဲ့ ရေးထားတယ်။ ဒီတော့ "Experimental"ကို သိဖို့လိုပါတယ်။ စိတ်ကူးယဉ်ရေးဖွဲ့မှု မဟုတ်။ သီအိုရီ တစ်ခုထဲကိုအခြေခံမှုမဟုတ်။ နေ့တဓူဝကြုံတွေ့နေရတဲ့ အတွေ့အကြုံ၊ပဋိပက္ခကိုမူလရိုးရာကဗျာကခွဲထွက်ရေးတယ်လို့ သတ်မှတ်လို့ရတယ်။ ဒါကြောင့် ယနေ့ခေတ်ကဗျာကို ဘယ်လိုမြင်သလဲလို့ မေးတာပါ။ မာဂျော်ရီဟာ အဲဒီ "Experimental" ဆိုတဲ့ စကားလုံးကို စမ်းသပ်ဆိုတဲ့အဘိဓါန်အနက်နဲ့သုံးစွဲဖို့ လက်မခံခဲ့ဘူး။ သူဘာပြောသလဲ ကြည့်ရအောင်….။

"To begin with, I don't especially care for the word "EXPERIMENTAL" which implies that the poetry in question is just an experiment, which it may well fail. I imagine Baudelaire being called an experimental poet. Or Rimbaud. I prefer the adjective "radical" or "oppositional" or even the familiar epithet "avant-garde".

(Conducted Interview by Enrique Mallen
April, 2007 at "The Poetry of the Americas" conference, Texas A&M University)
"
စပြီးပြောရရင်တော့ဖြင့် Experimental ဆိုတဲ့ စကားလုံးကို အထူးသဖြင့် ဘဝင်မကျဘူး။ အဲဒီအဓိပ္ပါယ်ကြောင့် ကဗျာကို မေးခွန်းထုတ်နိုင်တာက စမ်းသပ်အတွေ့အကြုံတစ်ခုပဲ ဆိုသလိုဖြစ်သွားပြီး အဓိပ္ပါယ်ကောက် လုံးလုံးလျားလျား မှားသွားမယ်။ စဉ်းစားကြည့်လေ ဘော်လဒဲယားကို Experimental လို့ ခေါ်သလို အာသာရင်းဘိုးကိုလည်း ခေါ်ကြတာပဲ။ ကျွန်မကတော့ နာမဝိသေသနအနေနဲ့ Radical မူလလက်ဟောင်းကိုတော်လှန်သော ဒါမှမဟုတ် "Oppositional" (မူလအားဆန့်ကျင်သော)ကို သုံးချင်တယ်။ ရင်းနှီးနေပြီးသား အနုပညာတော်လှန်ရေး "Avant-garde" လို့ ရေးရင်လဲ ရတယ်။ "

လို့ဆိုခဲ့ပါတယ်။