အူ​ဟောင်း​လောင်းနဲ့ဘိုင်​ကျတဲ့ အ​တွေး

အူဟောင်းလောင်းနဲ့ဘိုင်ကျတဲ့အတွေး
--------------------------------------------------------

သမာရိုးကျကိစ္စပဲနေမှာပါ
ဆန္ဒတွေဆိုတာဘယ်တော့မှမပြည့်တဲ့အိုးပဲ
မှန်ကန်တဲ့ *မူ*ဆိုတာ အပျက်တရားတွေ
နာရီတိုင်း လေဆင်နှာမောင်းထဲကွေးညွတ်ပေးနေရတာ သဘောမတွေ့တော့ဘူး
ယဉ်ကျေးမှုဆိုတာ တွေးခေါ်ခြင်းကိုဘောင်ခတ်လိုက်ခြင်းပေပဲ
လောကနဲ့ကမ္ဘာကြားမှာအတွေးအခေါ်ဖျားနေရတယ်
မတူညီမှုတွေလက်ခံထားပေမယ့်
သူသူကိုယ်ကိုယ်မနှစ်မျိုဘူး
ဘုရား-သခင် ဆိုပြီးပူဇော်ကိုယ်ကွယ်
တရားအနှစ်က်ိုမသိကြတာ အကုန်လုံးနီးပါး
တနင်္ဂနွေ နဲ့ ဓမ္မတေးသံ ကောင်းကင်ဘုံ ကယ်တင်ခြင်းတွေ
ကိုယ့်သဘောထားကျဉ်းကျဉ်းလေးထဲ
တကယ်မရှိတော့ဘူး
ဘာသာတရားခေါင်းဆောင်တွေဟာ ကိုယ့်အတွက်အနှောက်အယှက်ပဲ ဖြစ်နေမယ်
ကိုယ့်အတွေးဟာရေစိုနေတဲ့စက္ကူမို့ဘာရေးရေးအဆင်မပြေတော့ဘူး
အဖြစ်အပျက်တွေကြားမှာ ကမ္ဘာကြီးဟာပေါင်မုန့်တွေပဲလိုအပ်နေတယ်
နံနက်စာ နဲ့ ညစာဟာ စူးရှတဲ့ဝေဒနာပဲ
ဒဏ်ရာတွေကို မြိန်ရေရှက်ရေ စားသုံးရတာအတော်အီတယ်
နိုင်ငံရေး လူမျိုးရေးတွေဟာ ဆွဲကြိုးချနည်းတွေပဲ
ငြိမ်းချမ်းရာအမှန်ဆိုတာ ကိလေသာလောကီထဲက
လူတွေရဲ့အသက်ရှူသံမှာ ညှီနံ့တွေရတယ်
အဆီအငေါ်မတည့်တဲ့ကြေငြာစာတမ်းတွေက်ို ထောပါတ်သုတ်သိုးသားညှပ်တယ်
သိုးသားဟာအကောင်းဆုံးပဲ သိုးမည်းတွေတော့ ချွင်းချက်ပေါ့
ကိုယ့်တသက်လုံး ငြိမ်းချမ်းခြင်းဟာရေခဲသေတ္တာထဲအေးခဲနေတော့တယ်။

လင်းဆက်ဝေ(ပျဉ်းမနား)
13.7.2015
MoN 9:48am