ချစ်​သူ​ရေ

Saw Jonathan Aye
ချစ်သူရေ.....
စကားပြောမကောင်းတဲ့
ကြယ်ကလေးရဲ့ရင်ဘတ်ထဲကို
ရန်လိုတတ်တဲ့ပန်းသီးကလေး
နင့်နင့်ဝေဝေကြွေကျခဲ့တဲ့
နွေရာသီတစ်ခု
အမှန်တကယ်ပဲရှိခဲ့တာပါ ။

နင့်အတွက်
သမုဒ္ဒရာထက်ကျယ်တဲ့ရေပြင်တစ်ခု
ငါယူဆောင်လာဖို့ပြောခဲ့ဖူးတယ် ။
နင်က....
ငါ့ရင်ဘတ်ကိုလက်ခုပ်နဲ့ခပ်ယူဖို့သဘောတူခဲ့တယ် ။
ဒါပေမယ့်.....
နင်နဲ့ငါဝေးခဲ့ကြတယ် ။

၂၁ရာစုရဲ့အိပ်မက်အသစ်တွေထဲမှာ
ငါလယ်သမားကြီးလုပ်ဖို့ပြောခဲ့တုန်းက
ငါပျိုးထားတဲ့အိုင်းရစ်နှင်းဆီပွင့်ကလေးကိုပန်ဖို့
နင်သဘောတူခဲ့တယ် ။
ဒါပေမယ့်......
နင်နဲ့ငါဝေးခဲ့တယ် ။

နင်နိုးထရာမနက်ခင်းတွေမှာ
အလှပဆုံးပန်းတွေငါပွင့်ခိုင်းခဲ့တုန်းက
ညပေါင်းများစွာမှာ
ငါ့ပုခုံးကိုမှီနွဲ့ရင်းကြယ်တွေကိုရေတွက်ဖို့
နင်သဘောတူခဲ့တယ် ။
ဒါပေမယ့်.....
နင်နဲ့ငါဝေးခဲ့တယ် ။

နင်ဆိုပြတဲ့သီချင်းတွေကို
ကမ္ဘာဦးဂီတတစ်ခုပါလို့ငါသတ်မှတ်ရင်း
လင်းလင်းခြိမ့်ခြိမ့်နားထောင်ခဲ့တုန်းက
ငါ့ကဗျာအပုဒ်ပေါင်းများစွာရဲ့
အရှင်သခင်မဖြစ်ဖို့နင်သဘောတူခဲ့တယ် ။
ဒါပေမယ့်.....
နင်နဲ့ငါဝေးခဲ့တယ် ။

နင့်ကိုငါ့ဦးခေါင်းတစ်လုံးထက်
ပိုချစ်ပါတယ်လို့ငါပြောခဲ့တုန်းက
နင်ကငါ့နံရိုးကလေးဖြစ်ကြောင်း
ကမ္ဘာမြေတစ်ခုလုံးကိုပြုံးပြအသိပေးခဲ့တယ် ။
ဒါပေမယ့်.....
နင်နဲ့ငါဝေးခဲ့တယ် ။

ငါဂစ်တာတီးတဲ့အခါ
နင်သီချင်းကူဆိုဖို့ပြောခဲ့တုန်းက
နင်ကငါ့ရဲ့ကိုယ်တစ်ခြမ်းဖြစ်ကြောင်း
လူပေါင်းများစွာကိုငါသိစေခဲ့တယ် ။
ဒါပေမယ့်.....
နင်နဲ့ငါဝေးခဲ့တယ် ။

၁၂ရာသီပန်းတွေကို
ရာသီနက္ခတ်မချိန်ဆပဲ
နင့်အတွက်ငါပွင့်ခိုင်းခဲ့တုန်းက
ငါ့အိပ်မက်လှေတို့ရဲ့
လှော်တက်ကလေးဟာနင်ဖြစ်ခဲ့တယ်
ဒါပေမယ့်......
နင်နဲ့ငါဝေးခဲ့တယ် ။

ငါဆိုတတ်တဲ့တစ်ပုဒ်တည်းသောသီချင်းက
နင့်အတွက်ပါလို့ငါပြောခဲ့တုန်းက
ငါ့ကဗျာတွေကို
နင့်ကိုယ်သင်းရနံ့တွေထုံမွှမ်းပေးဖို့
နင်သဘောတူခဲ့တယ် ။
ဒါပေမယ့်......
နင်နဲ့ငါဝေးခဲ့တယ် ။

နင့်အလင်းတစ်ဝက်ရဲ့အလင်းတစ်ဝက်လောက်
ငါ့ကိုဆွတ်ဖျန်းပေးဖို့နင်သဘောတူခဲ့တုန်းက
ဆောင်းညအိုအိုတွေကိုဖျစ်ညှစ်ရင်း
နင့်ကိုသိပ်ချစ်ကြောင်း
နှင်းစက်ပေါင်းများစွာနဲ့
ငါစကားပြောခဲ့တယ် ။
ဒါပေမယ့်.....
နင်နဲ့ငါဝေးခဲ့တယ် ။

နွေရာသီရဲထောင့်ချိုးတွေထဲမှာ
နင်ကငါ့ရဲ့မိုးစက်မှုန်ရီကလေးဖြစ်ဖို့
သေချာသွားခဲ့တုန်းက
အဲဒီနွေရာသီထဲကို
ငါ့နှလုံးသားတွေပစ်သွင်းခဲ့တယ်
ဒါပေမယ့်.....
နင်နဲ့ငါဝေးခဲ့တယ် ။

မိုးရတုရဲ့နောက်ကျမုတ်သုန်ကို
ငါခါးကနေလိမ်ချိုးတုန်းက
ငါပိုင်တဲ့ညပေါင်းများစွာကို
နင်လှလှပပထွန်ယက်ခဲ့ဖူးတယ်
ဒါပေမယ့်......
နင်နဲ့ငါဝေးခဲ့တယ် ။

ဒီလိုနဲ့
အဲဒီလိုပေါင်းများစွာနဲ့
နင်နဲ့ငါ... .
ဝေးလွန်းမကဝေးခဲ့ကြပြီကောကွယ် ။ ။

saw jonathan aye