ဒိုင်​ယာရီရဲ့​ထောင့်​ထဲမှာ ​လေဘယ်​အညွှန်းတစ်​ခုကျဆုံးခြင်း

ဒိုင်ယာရီရဲ့ထောင့်ထဲမှာလေဘယ် အညွှန်းတစ်ခုကျဆုံးခြင်း
____________________________

အောက်တိုဘာရဲ့သောကြာနေ့။ကြည်လင်နေတဲ့မိုးသားတိမ်လိပ်တွေနဲ့ နေသာတဲ့နံနက်ခင်းလေး။ရာသီဥတုခန့်မှန်းချက်ဆိုတာလည်း အတိအကျပြောရတာ အခက်သားပဲ။တချို့အရာတွေဟာရုတ်တရက် ဘာမဆိုဖြစ်တက်တာမျိုးကိုး။လမ်းပေါ်မှာတော့ ရောင်စုံစက်ပစ္စည်းတွေဟာ သူတို့ရဲ့အင်ဂျင်သံတွေ ထုတ်လွှင့်ရင်း တနေ့တာရဲ့အစကို အသက်သွင်းနေလေရဲ့။ကောင်းသောနေ့လေးပါ။မင်္ဂလာပါ။ကျန်းခန်းသာလို့မာပါစေပေါ့လို့ အပြန်အလှန်နှုတ်ဆက်နေလေကြရဲ့။

သတိထားမိတာကတော့ နံနက်၉း၄၅မိနစ်မှာ......။
ပြူတင်းတံခါးရဲ့ ခန်းစီးစ လွှင့်လူးနေတာက စပြီးသတိထားမိတာပဲ။
သတိထားမိဆို ခန်းစီးစဟာ မိုးပေါ်ကိုထောင်တက်ပြီး စွန်လေးလို လွင့်လွင့်လူးလူးနဲ့။
တိုးဝင်လာတဲ့ လေဟာ တောင့်တောင့်တင်းတင်း နဲ့ ကြမ်းရှရှနိုင်လွန်းတယ်။
မုန်တိုင်းရဲ့ရှေ့ပြေးနိမိတ်လို့တော့ဘယ်သူသ်ိမှာလဲ။ပြေပြေပြစ်ပြစ်တေးသွားကနေ ကီးချိန်းပြီး အော်ဟစ်ပေါက်ကွဲလိုက်တဲ့သီချင်းတပုဒ်လို.....အလှည့်အပြောင်းဟာအသက်ဝင်လှတယ်။

အပြုံးတွေနဲ့လှပတဲ့ကောင်းကင်ဟာ မည်းညစ်ညစ်မှောင်သွားတယ်။မိုးစက်မိုးပေါက်တွေဟာ လေးကနေအရှိန်းထိုး လေကိုထိုးခွဲထွက်လာတဲ့မြားတွေလို တဝေါဝေါ တဝုန်းဝုန်းနဲ့။လျှပ်ပန်းနွယ်တွေဟာ တဖျပ်ဖျပ်နဲ့ လောကတခွင်ကို ဓာတ်ပုံရိုတ်မှတ်တမ်းတင်နေသလို....။

ဒိုင်ယာရီထဲ ရေးလက်စကို ခဏရပ်လိုက်တယ်။ မိုးပုလဲတို့တိုးဝင်နေတဲ့ပြူတင်းပေါက်ကို ပိတ်လိုက်တယ်။နောက် မီဖိုးခန်းထဲဝင်ပြီးရေနွေးအနည်းငယ်ကျိုး ကော်ဖီတခွက်ဖျော်လိုက်တယ်။စီကရက်ကိုရှိုက်ဖွာရင်းးးသက်ပြင်းတွေချမိနေတယ်။ဆက်ပြီးရေးရမယ့်အကြောင်းအရာဟာ အံသြမင်သက်စရာတွေပဲ။ဖင်​စီခံ​ရောက်​သည်​အထိတဖြည်းဖြည်း​ဘာအသံမှမထွက်​ကြွေသွားတဲ့ပြာ​တွေ....။စီးကရက်က်ို ပြာခွက်ထဲထိုးချေလိုက်တယ်။အပြင်မှာတော့ မိုးသားတွေ ပိုပြီးခပ်ရင့်ရင့်မှောင်နေလျက်ပဲ။

ပစ္စုပ္ပန်ကို အကောင်းဆုံး လှပသပ်ရပ်အောင် မတည်ဆောက်နိုင်ရင် အနာဂတ်အကြောင်းတွေးနေတာဟာရူးနေတာပဲ။လက်ရှိ စက္ကန့်ထက် အရေးကြီးတဲ့ နာရီမှမရှိတာ။စက္ကန့်တွေရပ်တန့်ပြီဆို ဘယ်လိုရှေဆက်နိုင်တော့မလဲ။သောကြာနေ့ 10:45amမိုးတွေဟာ အပျက်တရားကို တဖွဲဖွဲဆွေနေတုန်းပဲ။လက်ရှိအချိန်ထက်ကောင်းသောအချိန်ဆိုတာ ရှိခဲ့သေးလား။

မုန်းတိုင်းရဲ့အစဟာ နှုတ်ခမ်းတခုရဲ့ ကြားနေကြအသံရဲ့သွေဖီမှုကနေစတာပဲ။ပုံမှန်အရောင်ကနေအရောင်ပြောင်းသွားတဲ့အခါမျိုးလို။စီးဆင်နေတဲ့မြစ်တစင်းဟာပင်လယ်ထဲရောက်တာနဲ့ပျောက်ကွယ်သွားတာမျိုးပေါ့။တည်ငြိမ်တဲ့ပင်လယ်အောက်မှာ ရေစီးကြောင်းတွေတော့ရှုပ်ထွေးသား။
တချို့အမှန်တရားရဲ့စကားလုံးတွေဟာ အပြုံးတွေထဲမှာပုန်ကွယ်လျက်ပေါ့။
တချို့ပွင့်လင်းမှုတွေဟာ ကြောက်စရာလို့သူမထင်နေခဲ့တာပဲ။ လေရဲ့ဝမ်အပေါက်သေးသေးလေးကို မဖာထေးပဲ ရေခပ်ထုတ်နေသလိုမျိုး။
ဒါပေသိ သူမဟာ ရေကူးကျွမ်းကျင်တဲ့ ဖျံကလေးဆိုတာ သိခဲ့ရတယ်။
နှစ်ရှည်လများစွာ အချိန်ယူပွင့်လာတဲ့ပန်းကလေးဟာ လောကမာယာရဲ့ပဉ္စလက်အတက်နဲ့ စုန်းကဝေဖြစ်သွားတဲ့အခါ...။

လူတိုင်းဟာ မမျှော်လင့်တဲ့ အချိုးအကွေ့ဆိုတာကြုံရတာပဲ။သိပ်ထူးဆန်တယ်ရယ်လို့တော့ မထင်ဘူး။အကောင်းဆုံးဖြတ်ကျော်ဖို့ သတ္တိကို မွေးရတာတော့ခက်သားပဲ။
နံနက်/ည အထီးကျန်တဲ့ ဝေဒနာဟာ ပန်းချီကားတချပ်လို အမျိုးအမည်​မသိလှပတော့မယ်။
နူးညံ့သိမ့်မွေ့စွာသောဓားချက်တချက်အောက်မှာ သွေးတွေဖြားထွက်သွားသလို အနီရောင်တွေဟာ သစ်ရွတ်တွေပေါ် မြေပြင် ဝေဟင်မှာ တစက်​အစက်ယိုးနေသလိုမျိုး။မြင်​ကွင်းတိုင်းရဲရဲရင့်ရင့်လှပပါပေ့။
ရန်ခုန်သံတွေရပ်တန့်တဲ့ နူးညံ့မှုဟာအသက်ဝင်ခဲ့တယ်။
ဒိုင်ယာရီစာအုပ်ထဲ မုန်းတိုင်ဟာ ငြိမ်သက်သွားတယ်။စ​နေ​နေ့12:15am​နံနက်​ခင်းဘက်​ကို​ရောက်​ဖို့အ​မှောင်​ဟာတဖြည်းဖြည်းအ​ရောင်​​ဖျော့လာတယ်​။ပျက်စီးသွားတဲ့အရာတွေကတော့......။ပြန်တည်ဆောက်ဖို့အချိန်ဟာ နောက်ထပ်မုန်းမဘာခင်အထိသာ.....။ရေဒီယိုနဲ့ ရုပ်မြင်သံကြားသတင်းနဲ့ဂျာနယ်တွေမှာတော့ မုန်းတိုင်းသတင်ဟာ နောက်တပါတ်ခန့်မှန်းချက်အထိသာသာယာယာပါပဲ။

လင်းဆက်ဝေ
21.10.2015